|
|
Оскон
Асьмелэн али но овол, яке ышыса, вуныса мынэ куриськонлэн кылъёсыз но радъёсыз. Туж ожыт потыло газетъёсы, журналъёсы, туж ожыт возьмато телевидениын. Ошмес газетамы но шер-тур гинэ потылэ асьмелэн йылолъёс сярысь. Куриськонъёс ортчыло огшоры вакытъёсы. Кыл сярысь вань куриськонъёсыз асьмеос кун праздникъёслы тупатыса ортчытъяськом. Сизьыл куриськонэз ортчытиськом ке вал 7 ноябрын, табере 4 ноябре выжиз куд-огез. Со туж умой овол. Азьло но та ужпумэз, кыче нуналэ сюрылэмзэ чаклась оз ик луы дыр. Туэ 4 ноябрь усе вир нуналэ, нош 7 ноябрь, кос нуналэ. Та нуналъёсы куриськыны уг но яра. Собере та праздник нуналъёс арлы быдэ воштисько, арлы быдэ арнялэн мукет нуналаз усё. Усьыны быгато вторнике. Та нуналын, калыклэн верамезъя - тылобурдо но кар уг тупаты. Арня жыт со кулэмъёслэн азязы уськытон нунал. Та нунал азязы уськытыса табань пыжылиллям, мунчо пыриллям, куд ог куаосын али но со динэз чакласа уло на. Арнянунал вашкалаос куриськылиллям, ужаны поталлямтэ, выль уж борды но кутскиллямтэ. Пудо котырын берганлэсь ана номыр борды кутскиллямтэ, курытсэ но юыны дисьтиллямтэ.
Асьмелэн калык котьку праздникъёсты ж*о*к тыр по*ртэм по*рамъёсын, сион-юонъёсын пумиталлязы. Инмар азьын асьсэлэсь байлыксэс, быгатэмлыксэс возьматыны тыршизы. Веразы; кызьы пумитаськод – озьы ик улиськод. Та нуналэз пересьёслэн верамзыя чукна ик таба зын поттыса кутиськоно. Вераме потэ, та куриськон, йылолъёслэсь нуналъёсэс радэ пуктыны кулэ. Сизьыл куриськонэз ноябрлэн ныресети арняяз, арнянуналаз яке базар нуналаз пуктыны кулэ. Азьпалан вань удмур калык та пусъем нуналын гинэ мед куриськоз. Собере вераны кулэ на сизьыл но тулыс кисьтон сярысь. Та праздникмес ортчытон нуналзэ чакланы кулэ. Арнянунал асьмелэн Инмарлы куриськон нунал гинэ со, кисьтонэз та нунал ортчытыны шонер уз луы.
Данак дыръя кылисько: - «Малы таиз праздник кулэ малы соиз кулэ». Таче вераськисьёслы паймоно ик. Мон малпасько сыче вераськон бордысен адями ассэ ачиз улэ уськытэ, ассэ ачиз ултия кадь потэ. Отысен ик кутске деградация. Адями ассэ ачиз уг тоды ни уг вала ни дунне вылэ ма понна вордиськемзэ, кыче сюрэсти вамыштонозэ, ассэ ачиз мукет калыкъёс азьын пичиятэ. Уноез чыжы-выжыоссылэн осконзылы дур уг басьто ни. Креститься но карыны кутско. Ныресети интые пуксё вордскем нуналэз ортчытон, кыре потыса шашлык сион но мукет праздникъёс. Йылол праздникъёслы интыез ичи гинэ кыле на, второстепеннойлы берыкмо. Ушъяны кутско мукет калыклэсь осконзэс, соослэсь быгатэмлыксэс, кылзылэсь узырлыксэс. . Кыл сярысь; кутскизы 19 январын уйшорын ошмес ву басьтыны, та вакыт ву эмяны пе быгатэ. Владыкинлэн (Религиозно-мифологическая картина удмуртов) книгаысьтыз лыдзиськод ке отын тазьы шуэмын; «В этот день не разрешалось с утра носить воду, вообще запрещалось что-либо делать: «Курег гинэ но сюдыны уг яра». С утра идут к реке, чертят топором крест на льду и на этом месте делают прорубь. Считается, что в этод день «нечисть» - вожоос уходит под воду. Вожодыр заканчивался 19 января». Пересьёслесь кылэме вань- уин ву но изе шуыса, сое огшоры вырзытыны уг пе яра, вырзытид ке ву одно ик кутэ шуо. Асьмелен Осконмы аспортэм, визьнодо, чебер. Дуне вылысь Вань калыкъёс вашкала Осконъёсыз гажало но кышкало на. Ведь соос тодо мукет Инмаръёсыз, Кылчинъёсыз сантэм карыны, серекъяны уг яра шуыса. Одно ик пунэмзэ берыктоз шуо. Соиз озьы ик но вань.
Вашкала дырысен вань калыкъёс тыршизы асьсэ калыксэс огазе люканы. Та ужын туж бадзым юрттэт сётэ Инмарлы Оскон. Асьмелэн Осконмы вашкала вакытъёсы (бырынгы) вакытъёсын ик кылдэм уж-рад. Дуне вылын вань калык асьмелэн кадь Оскон пыр ортчиз, со бере гинэ выль Осконъёс кылдылизы: Христианство, Ислам, Буддизм но мукет. Асьмелэсь Осконэз соос язычество, многобожие яке выль кылын- политеизм шуыса нимазы. Выль осконъёс чылкак языческой религилэсь куштиськизы шуыны уг луы. Кыл сярысь Христьянёс али но Пасха (Быдзыннал) праздник ортчыто кудиз кылемын языческой Осконлэсь, Масленица(Вой). Вань на мукет праздникъёс кудиз ке гердза вашкала осконэнызы. Туж жог гинэ калыклэн сюлмаз пычам, выжыяськем йылолъёсыз ишкалтыны уг луы луоз.
Али вакытъёсы калык вылын кылдытъяло, выльысь вырзыто вашкала чыжы-выжыоссылэсь осконъёссэс, языческой объёдинениос, конфессиос, дэменлыкъёс, Кылдыло религиозной группаос Северной но Южной Америкаын, Европаын, Азиын, кылдытэмын Россияын но мукет кунъёсын, Асмелы но та ужен бере кылено овол, калыкен чош , валче вамыштыны кулэ.
Азьпалан асьмелэсь Осконэз тыршоме регистрировать карыны, Вось Кенеш кылдытыны. Та уж каллен вырзытэмын ини. Тодиськоды ини Башкортостанысь но Закамской удмуртъёслэн огазеяськонъёслэн чектэмзыя ортчытэмын Элен Вось; Алтау гуртлэн Быдзым Восьаз- 2008 арын, Варяш гуртлэн Быдзым Восьаз-2009 арын, лыктись аре Элен Вось праздникмы ортчоз Перьмской крайын, Кырги гуртлэн Быдзым Восьаз, Инмар мед гожтоз Татчы ваньмылы но мылысь- кыдысь пыриськыны кулэ. Куриськыны туж ожыт адями ветлэ. Удмурт калыклэн, шуом, самой визьмоез самой шаплыез та уж-радлэсь палэнэгес кыле.
Азьпалан малпаськом Осконмылы юридической статус сетыны. Устав вылын уж мынэ. Нимтулэз кельше ке луоз-«Община Удмуртской Традиционной Религии «Удмурт Элен Вось». Та куриськонъёсмес, Элен Вось ортчытон праздникмес мукет сямен верад ке - паломничество но шуыны луэ. Малы ке шуоно асьмеос мукет Вось (Священной) интыосы куриськыны ветлиськом. Дунне вылысь портэм калыкъёс но ветло ассэлэн осконзылэн Вось интыосазы куриськыны, кыдёкын ке но, мукет кунын ке но кылле. Кыл сярысь, Башкортостанысь Саудовской Аравие ветлон понна 150 сюрс коньдон кулэ. Куриськом ваньдэс но та уж борды мылысь кыдысь пыриськыны, кутскем ужлы зеч сюрес тилэны, дур басьтыны, визь-нодъёс чектыны, быгатисьёслы коньдонэн но юрттыны. Регистрация понна туж уно коньдон кулэ. Кулэ луоз на «Удмурт Элен Вось» дэменлыклы юрт- Куала жутыны. «Удмурт Элен Вось» деменлыкез законэн юнматэм бере будэтоз асьмелэсь, удмуртъёслэсь, мукет калыкъёс азьын статуссэ, возьматоз ассэ ачиз гажанлыксэ, Восьмылэсь кулэлыксэ, будэтоз кужымзэ. Регистрация ортчытэм бере, луоз Восьёсмес утьыны, государстволэн защитаяз пуктыны - исторической культурной объект карыса. Марий Элын та кемалась ужэ кутэмын ини.
Асьмелэн Осконмы али выль кужымен жутскыса мынэ. Уноез вунэмын, уноез выльысь жутэмын. Лыктись аре(2010арын) потоз книга «Удмурт куриськон». Та гнига туж бадзын юрттэт сётоз асьмелы. Соин понна пересьёслы но мойыослы данакгес вераськоно нылпиосты азьын , вынъёстсы азьын асьмелэн Осконмы сярысь. Тыршоме асьмеос но мукет калыкъёс кадь Восьмес, куриськонмес вылэ жутыны, куриськонлэсь радзэ кутыны. Ог огмес яратыны, гажаны, чош валче ог огмылы юрттыса, кырзаса но вераса гинэ улыны. Куриськонмес ортчытем бере асьмелэн улонмы нош но нош чебер шулдыр мед луоз. Дунне ик Ин Куазь ик шулдыртиськиз, юг-юг луиз мед шуоме(куриськыса бертыку озьы М.Надя апай шуиз).
Инмармы мед юрттоз асьмелы зечсэ, умойзэ, выльзэ улонэ пычатыны. Мед сётоз асьмелы визьнод, азинлык, татулык, шудбур, тазалык.
Вордем нылпиосмылы азинлык, йонолык мед сётоз, мед утёз - вордоз соосыз урод муртлэсь, кырыж сюрэслэсь, наркоманилэсь, алкаголизмлэсь. Ноку но медам тодэ нылпиос ултиямэз. Зеч калыклы ярась мед луозы. Зеч малпам ужъёссэс пумаз- йылаз вуттыны мед быгатозы Югыт Инмаре Кылчинэ тани!
Омин! Омин! Омин!
Анатолий Шарифьянович Галиханов.
Бурай ёрос, Алтау гурт.
Алтау гуртлэн Валтись Куриськисез.
24.12. 2009 ар.
Тель.347 56 27885 ЗЕЧ СЮРЭС
ЗЕЧ СЮРЕС ТЫНЫД, УДМУРТ КАЛЫКЕ.
ИНБАМЫН КАДЬ САЙКЫТ НО ПАСЬКЫТ УЛОНЗЭ.
МЕД БИНЁЗ КОТЫРДЭ ШУНДЫЛЭН ТЫЛСИЕЗ,
КРЕЗЬГУРЕД АЗВЕСЕН МЕД ВОЛМОЗ ДУННЕЕ.
ШУГ-СЕКЫТ ВАКЫТЭД ЛЫСВУЭН МЕД ТОЛЗОЗ,
ДАНЪЯНО УЖЪЁСЫД ИНВУЭН ПЫЛАСЬКОЗ.
МЕД ПИШТОЗ ЙЫР ЙЫЛАД ШУНЫТЭЗ ШУНДЫЕД,
СЮРЕСТЭ УЙОСЫ ВОЗЬМАТОЗ ЮГЫТЭЗ ТОЛЭЗЕД.
ВЫЛИЫСЬ ИНМАРМЫ МЕД ЫСТОЗ ШУДБУРЗЭ,
КАПЧИЗЭ НО ЗЕЧСЭ МЕД СЁТОЗ УЛОНЗЭ!
Та кылбур кылдиз Алтау гуртын, кылем арын кызети июньын, Быдзым Вось куриськон праздник ортчытэм бере. Одиг ар ортчиз ини со дырысен, кылдизы уно малпанъёс, уно ужпумъёс. Озьы ке но малпанъёс выльысь но выльысь берытско ортчем вакытэ. Вераны кулэ - куриськонэз ортчытимы туж зеч. Люкаськемын вал туж трос калык, куазез но тупаз. Толло нуналаз зоро-кото улиз, соин серен кыдёкысь куноос сюрес вылэ потыны оз ик дисьтэт луоз. Ваньзэ пыр-поч интыяса куриськиз Татышлы еросысь Назип Садриев. Восямын вал куать ыж. Праздниклы бадзым юрттэт лэсьтизы Удмурт шаерысь Камсьор удмуртъёслэн огазеяськонзы (НЦЗУ). Восьлы висъязы даскык сюрс но укмыс сю манет; Свердловск ёросвылысь удмурт «Эгес» огазеаськон висъяз кык сюрс витьсю манет; Башкортостанысь НКЦ - кык сюрс манет; Алтау гуртын улись калыкъёслэсь люкамын витьтон манетэн, кудизлы басьтэмын кык ыж. Куриськыны Восьын посьтэмын укмыс пурты жук. Ренат Биктимировичлы та секыт, бадзын ужез вырзытыны быгатэмез понна нимысьтыз туж бадзын тау. Озьы ик бадзым тау вераме потэ Варяш колхозлэн председателезлы, Владимир Касимовичлы. Алтау Бадзым Восьлы 2006 арын, Владимир Касимович кузьмаз куинь пурты. Бадзын Вось ортчытыны 2008 арын ваиз 20 килограмм скал силь. Галямшин Ренат Биктимировичлы, Флюра Ахметхановна Чибышевалы (Ижевск), Владимир Касимовичлы, Марина Шарифьяновна Ягуткиналы (Екатеринбург) но вань гуртъёслы, ас нимысьтым но вань Алтау гурт калыклэн нимысьтыз вераськом туж бадзым тау , тиляськом тазалык, шудбур но зечсэ гинэ.
Быдзын Восьлы висъям коньдонэн басьтэмын ньыль пурты (40 л), куинь тусьты, кык ведра (10л), кык кобы, одноразовой посудаос, вурытэмын шот дэрем, басьтэмын 10 килограмм кеньыр. Ваньмыз Алтау Бадзын Восьлэн ксизьым пуртыез луиз. Вось ужез ортчытыны кутэмын дас кык сюрслы матэ коньдон. Туннэ нуналэн мон шумпотыса вераны быгатисько - Алтау Быдзым Восьлэн аслаз куриськон-восяськон арбериосыз вань шуыса. Та шумпотонэз валэктыны луэ ужлы капчилык сетэменыз. Кыл сярысь; гуртэти ветлоно овол пурты утчаса, ваньзэ огазе люкаса. Ваньмызлы бызьылытэк уг лу, коня дыр кулэ ваньзэ интыяны. Таиз огласянь ужрадэз, вань мукет палыз но: мон малпасько, туж кулэез та - чылкытлык. Вань арбериос луыны кулэ чылкыт ( священной), пудо но бакча уж котыре кутымтэ медло. Та учыр одигез. Вань мукет ужъёс, кудзэ пурты кузё ужаз кутэ. Кудзэ ке Вось ужен матэ но карыны уг лу , матэ вайыны но уг яра! Соин вазиськисько ваньзылы, Вось кутись гуртъёслы, Торо Восяськисьёслы, асьтэлэн Восьты понна куриськон арбериос октэлэ но люкалэ нимаз. Вурытоно шортдэремъёс (вось диськут). Арлы быдэ курискисьёслэсь кенешсэс люканы кулэ, араз одиг, я кык пол. Кылдытоно огазеяськон - «Вось кенеш», кылдытыны кулэ куриськисьёслэсь институтсэз. Та дырын Куриськисьлэн статусэз, дуныз нимлы гинэ кылиз. Куд огез восьез бадзым уг кары ни, олокинъяське, ассэ вылиен адзе. Тае валэктыны луэ портэм сямен; нырысетиез - массовой информация, кудаз асьме оскон сярысь секта шуыса но вераны быгато. Асьме калык тросгес учке, кылзиське телевидение но радио пыр мукет осконъёс сярысь; христанство, ислам, буддизм но мукетыз сярысь, туж трос книгаос пото, гожъяло портэм газетъёсы. Удмурт «Ошмес» газетаямы но чемгес мед потасал удмурт Вось сярысь. Телевидение но радио сярысь веранэз ик овол. Башкириялэн каналаз ортчем праздникмы сярысь номыр но ом поттэ. Кыкетиез - туала арын адями кызьы ке но узырмыны тырше, анай-атай кыл но мукет йылол-диньёс вуныса мыно. Трос на мукет жегъёс, гердъёс, кудиз ке асьмелэсь осконмес оволэ поттон пала матэктэ. Ышыса, вуныса мынэ куриськонлэн радъёсыз, динъёсыз, кылъёсыз... Вось Кенешез кылдытыса луэ законэн юнматыны, регистрировать карыны, шуом, районысь администрацие, яке Башкортостан Республикае, луэ Поволжской округе. Та будэтоз асьмелэсь, удмуртъёслэсь мукет калыкъёс азьын статуссэ, возьматоз ассэ ачиз гажанлыксэ, Восьлэсь кулэлыксэ, будэтоз кужымзэ. Регистрация ортчытэм бере, луоз Восьёсмес утьыны, государстволэн защитаяз пуктыны - историко-культурной объект карыса. Марий Эльын та уж кемалась радъямын ини.
Паймисько Восе куриськыны лыктэм адямиослы, куриськон ужрадын асьседы воземзылы. Отын но татын вераськыло, чашето, ма понна Восе лыктэмзэс, кытын кыллемзэс но вунэто шат? Сииськыны - а, вераськыны - а меда, оло куриськыны меда лыктиллям? Таче учыр возьматэ адямилэсь Восьез гажамтэзэ, Восьлэсь дунзэ валамтэзэ. Восе мынон тупась диськут сярысь но туж малпаськыса уг уло – пиосмурт но апай муртъёсыз но вуыло шортыен, вакчи саесо дэремен, гольык йыр но гольык пыдъёсын. Восе лыктоно капчи чебер мылкыдэн, гольык интыосыз ворсаса, тодьы яке югыт дись дисяса, тужгес зеч луысал удмурт диськутэн, писянай но песятаёслэсь нуллэм шортдэремъёссэз дисяны.. Восьын уродзэ, крысьсэ вераськоно овол. Сяласьконо, зырымаськоно овол. Тамак но ой кыскысалзы ке туж умой луысал. Сыче урод сямъёс Вось вылын чебер уг адско. Адями ассэ ачиз сантэм карэ, лулпушсэ крысьмытэ. Кыл сярысь, мусыльманъёс, буддалы куриськисьёс храмазы кутчулгессэс куштыса пыро, пушказ уг чашето. Куриськон интызэс чылкыт возё. Улоназы Инмарлы осконзы самой бадзым инты басьтэ.
Тыршоме асьмеос но мукет калыкъёс кадь Восьмес, куриськонмес вылэ жутыны.Ог огмес яратыны, гажаны, чош, валче кырзаса но вераса гинэ улыны! Инмармы мед юрттоз асьмелы зечсэ, умойзэ, выльзэ улонэ пычатыны. Мед сётоз асьмелы визьнод, азинлык, татулык, шудбур, тазалык. Чендемлэсь, пограмлэсь мед утёз. Амала муртлэсь, урод сямъёслэсь мед утез-вордоз Югыт Инмар Кылчинмы. Сио-юо шуисьёслэсь, соро-бытто шуисьёслэсь, черлэсь-чурлэсь, кыль-дэйлэсь азвесь кенерен котырты милемыз Инмаре Кылчинэ. Вордем нылпиосмылы азинлыктэ, йонолыктэ сёт, утьы ворды соосыз урод муртлэсь, кырыж сюрэслэсь. Ноку но медам тодэ нылпиос ултиямэз. Зеч калыклы ярась мед луозы. Зеч малпам ужъёссэс йылаз-пумаз вуттыны мед быгатозы. Семъя кылдытыса корка вутыса, квартира басьтыса шудо-буро мед улозы Югыт Инмаре Кылчинэ тани! Омин!
Анатолий Шарифьянович Галиханов. Бурай ёрос, Алтау гурт. Алтау гуртлэн Валтись куриськисез. 12. 06. 2009 ар.  Традиционная религия удмуртов уходит далеко в глубину веков, когда все народы поклонялись многим Богам. Удмуртская религия, доходя до наших времен, претерпела некоторые изменения и определила главного божества - Инмара, который правит всеми божествами, известными в настоящее времъя в повериях удмуртов.
Элен Вось- это моление ,которую проводят после молений во всех удмуртских Священных Рощах.Элен Вось- это моление всех удмуртов, который проходит раз в году в конце июня месяца. Элен Вось - это моление всем удмуртским Миром.Элен Вось был возрожден на Межреспубликанском фестивале удмуртского языка культуры и религии, посвященном 250 летию деревни Алтаево Бураевского района Республики Башкортостан, прошедшем 20 июня 2008 года.У Элен Вось имеется три центра(места), три Священные Рощи для проведения всеобщего моления - д. Алтаево РБ, д. Варяш РБ, д.Кырги Пермского края.В настоящее время было уже проведено три всеобщих моления.В 2011 году Удмурт Элен Вось пройдет в деревне Алтаево, Башкортостан Удмуртъёслэн Осконзы вашкала дырысен чик оз воштиськы шуим ке туж шонер уз лу. Та вапуез валэктыны луэ туж уно ужрадёсын, кудзэ ке удмурт калыклы ортчоно луиз. Удмурт калыклэсь, Россия борды огазям бере, Инмарлы осконзы христьянстволы кельшымтэен котьку но оволлы поттон вылын ветлизы. Кораллязы Восьёсыз, жуатъязы-серттылизы Куалаосыз. Бадзын уж нуизы вань удмурт калыкез христьянствое выжытон вылын. Но удмуртъёслэн чик но зат осконлы, зат инмарлы йыбыртъямзы оз потылы. Куашкатэм, тылын сутэм Куалаос интые мукетёсыз пуксьылизы. Куриськонъёс ас вакытазы ортчылизы, кытын шараен, кытын лушкемен- ватскыса. Христьянствое выжемёслы туж данак привелегиос сётъязы-кунь арлы налоглэсь мозтылизы, коньдон, музъем но мукет привелегиосын кузьмазы. Та ужрад туж гылыт-вольыт гинэ оз ортчы удмуртъёс полын. Асьсэлэсь Осконзэс Йылолзэс утьён пумен черкоулы но государстволы пумит жутскылизы. Но царская Россия оло кызьы ке но тыршиз Вань удмурт калыкез христьянствое выжытыны, пумаз-йлаз вуттыны оз ик быгаты. Озьы ке но шуид, христьянство аслэсьтыз ужзэ ужаз шуыны луэ. Со уж али но мынэ шуыны луэ. Али дырын коняез ке удмуртъёс православие кочизы, мукетъёсыз двоеверёс луизы(христьянстволэсь но язычестволэсь динзэ кутизы ), мукетъёс вашкала осконзэс оз ик куштиське. Оз куштэ асьсэлэсь вашкала осконъёссэс Башкириысь но Татариысь удмуртъёс. Али дырын Восьёс выльдиськыса мыно, кылык мылысь кыдысь пыриське куриськонэ.Киргалэсь Быдзым Восьсэ усьтыса куриськон 2010 ар. Вӧсьлэн радлыкез но Мӧр вӧсь кылъёс |
Удмурт вӧсь сярысь мадёнэз кутскыку, нырысь ик вераны кулэ Куала вӧсь сярысь. Куала вӧсь – со вӧсьлэн кутсконэз. Азьло дыре котькуд ӵыжы-выжылэн нимаз куалаез луэм. Отын пудо вандыса вӧсяллям. Кылсярысь, милям гуртамы - Выльгуртын (Татышлы ёрос) ӵуж чуньы вӧсяллям. Революция бере калык кие вал кыльымтэ ни, соин ик чуньы вӧсяны луонлык бырем. Выльгуртын вить куала вӧсь луэм. Котькудаз кӧня ке ӵыжы-выжы люкаськылэм. Али но озьы луысал ке, туж умой луысал. Соку матысь ӵыжы-выжыосмес но умойгес тодысалмы.
Котькуд гурт ас понназ но вӧсяськылэм. Выльгуртэ Майск гурт но пыре. Куинь гуртъёс – Майск, Уразгильды, Бальзюга та вӧсез Выльгуртын ортчыто. Нош Мӧр вӧсе Юг шурлэн бур палаз улӥсьёс пыро: Выль Татышлы, Вылысь Татышлы, Бальзюга, Майск, Уразгильды, Арибаш, Вязовка, Юда.
Луд вӧсь, жаляса верано, уг ортчытӥськы ни. Таиз вӧсь шур палась ошмес дурын ортчылэм. Отчы айы пудо вӧсяллям, нош мукетъёсаз - мумызэ. Вӧсез ортчытон пумысь азьпаласен кенешо. Вӧсьлэсь азьло нуналаз мунчо пыро. Соку ик вӧсе гурт калыклэсь югесь (пызь, кеньыр, коньдон) окто. Гуртысь арлыдоос вӧсяськон интыын сӥльтэк гинэ вӧен ӝук пӧзьто. Огез вӧсяськись сӥзиськыса куриське. Нош ӝук пӧзьтэм тылскемез ӵуказе ӵукнаозь кысоно ӧвӧл. Соин ик ог мурт сое нимысьтыз эскерыса улэ.
Вӧсяськон интые нырысь пересьёс люкасько. Вӧсе пудо сётыны мылкыд карисьёслэсь пудозэс ваё. Пудолэн кузёез нянь но коньдон сётыны кулэ на. Вӧсе гольык йыр мыныны уг косо. Соку курытсэ но веръяно ӧвӧл. Вӧсяськон интыын тамак но кыскыны уг яра.
Одӥг пудоез кык мурт вандыны кулэ. Котькуд пудолы – одӥг вӧсясь. Вӧсясьёс пыд азязы гужем кызьпу вай, толалтэ кыз вай бышкалто, сое кышетэн нянь куспы но, пыд улазы но поно, пудо вандӥсьлы но сёто. Вӧсясьёс, киязы нянь кутыса, куриськыны султо но пудо вандӥсьёслы вазисько. Пудо вандӥсьёс ведраысь вуэн но кызьпу ваен пудоез мисько. Собере, кызьпу ваез пудолэн вандосаз кутыса, пудоез вандо. Солэсь вирзэ азьпаласен дасям пуньые басьто но «осто!» шуыса тылскем вылэ кисьто. Вӧсясьёс киязы нянен курисько. Люкаськем калык пыдесъяське. Вандэм пудолэсь пушъёссэ но куяськемъёссэ тылскемын суто.
Котькуд пудоез нимаз пуртыын пӧзьто. Пуртые ву понэмлэсь азьло, отчы сылал поно. Пуртылы быдэ вӧсясь мурт луэ. Пудо вандӥсьёс, ву ворттӥсьёс, пу дасясьёс, пурты вӧзын пӧрасьёс – ваньзы воргоронъёс луыны кулэ. Сӥлез люкылыку, бур палзэ тодмояло. Нош сӥль пӧзем бере, тодмоям сӥлез но йырзэ тусьтые поныса, вӧсясьёс курисько. Соос тӧдьы дӥсен луыны кулэ. Куриськыны киязы нянь, ӝук кутэм бере бур пала котырско. Нырысь куриськыку ик верано, мар понна куриськемез.
Мӧр вӧсь дыръя сьӧд ыж но вӧсяло. Сое вӧсясь музъем анай понна «мусо му кылчинэ» шуыса вӧся. Мӧр вӧсь дыръя тазьы курисько: «Остэ, тӧдьы бур Инмаре! Тани быдэс гуртэн одӥг анай-атайлэн нылпиосыз кадь луыса мӧр вӧсез ортчытыны люкаським. Сюрен-пелен тӧдьы ыж вандыса, лулзэ-вирзэ аслыд сётыса, тынад азяд шыдэн-нянен ӟалбарисько (йыбырттӥсько), югыт тӧдьы бур Инмаре. Ми туж шумпотысалмы милемлы азбар тыр тылобурдоен, гид тыр пудоен, чечыен-муэн улыны шуддэ-бурдэ сётысалыд ке. Тулыс уже потон дыръя пельпум капчилыкъёстэ сётысалыд ке. Милям кизем-пальккем нянякайёсмылы сыпырак гинэ шуныт-небыт зоръёстэ ке сётысалыд, югыт тӧдьы бур Инмаре-кылчинэ. Аслад югыт дунне вылэ яратыса сётэм бендэосыдлы шуддэ-бурдэ сётысалыд ке, чер-чуръёслэсь ке сакласа (утьыса, чакласа) мынысалыд. Милесьтым улосмес алама зор котъёслэсь, сильдауослэсь (сильзоръёслэсь), лымы ӝокатэмлэсь, тылпулэсь сакласа (чакласа) мынысалыд ке. Оминь!
Осто, югыт тӧдьы бур Инмаре! Тани быдэс гуртэн одӥг анай-атайлэн нылпиосыз кадь луыса тынад азяд шыдэн-нянен ӟалбартӥсько (йыбырттӥсько). Кузьыли карын кузьылиос кыллем кадь, кӧкыын сабиет кылле, со сабиетлэн кыллемез кадь, тулыс виясь вуосыд кадь, ошмесысь азвесь кадь виясь вуосыд кадь улыны шуддэ-бурдэ сётысалыд ке. Милям тулыс кыре поттэм пудоосмылы жалем турындэ ке сётысалыд, азвесь кадь чылкыт вуостэ ке сётысалыд, чер-чуръёслэсь ке сакласа (чакласа) мынысалыд. Ӵышконо ыжъёсмес буртчин кадь ыжгоно кадь ке карысалыд, кысконо сккалъёсмес йӧло-вӧё ке карысалыд. Ми туж шумпотысалмы чет еле (мукет интые) буш мешокен потыса кошкем бэндэосыдлы (нылпиосыдлы) тыр мешокен бертымон берекетъёстэ ке сётысалыд. Накахтан шорысь (сьӧлыктэм шорысь) пачкам бэндэосыдлэсь ӟеч иворъёс ке вуттысалыд. Оминь!
Осто, югыт тӧдьы бур Инмаре! Тани быдэс гуртэн одӥг анайлэн-атайлэн нылпиосыз кадь луыса тынад азяд шыдэн-нянен ӟалбырисько. Араны потон дыр вуыса, пельпум капчилыкъёстэ сётысалыд ке, милесьтым нянякайёсмес куамын куроен камыш кадь удалтысалыд ке, суслон вӧзы суслон пуктысалмы, кабан вӧзы кабан пуктысалмы. Кабанъёсмы дас кык ар пукыса, вылаз бадь потымон, пот потымон берекетъёстэ сётысалыд ке. Бусыысь итыме ворттон дыръя, пар валэн ворттымон (вайымон) берекетъёстэ сётысалыд ке, Инмаре-кылчинэ. Ми туж шумпотысалмы кеносысь сюлысэн-пужен басьтон дыръя кемонтэм (ичиёмонтэм) берекетъёстэ сётысалыд ке. Оло, азьзэ бераз верасько, дыр, югыт тӧдьы бур Инмаре, мынэсьтым вутымтэосме ачид шуныт пиулад (кунулад) басьтыса мын вал, югыт тӧдьы бур Инмаре! Оминь! Куриськемъёсмес кабыл карыса басьты, югыт тӧдьы бур Инмаре».
Берлозэ куриськыку, вӧсез быдтыса но югесьлы курисько. Вӧсез йылпумъяса, куриськисьёс пыдесъяськыса, со кылъёсын ик курисько, вакчиятыса. «Коньдонэн сётэм югесез сюэн, сюрсэн берыктыса мынысалыд ке», шуыса вазисько. Собере куриськисьёс кызьпу вайёсты бичало но тылскемез куинь пол котыртыса ӵужо, соосты тылскеме кушто. Собере вӧсез келяса курисько на.
Вӧсе курег но парсь сӥль сётыны уг яра. Вӧся љук сием посудаез миськем вуэз парсьлы сётыны уг косо. Сое мукет пудолы яке пунылы, коӵышлы пононо. Вӧсе мыныса пырыку, киез сётыса ӟечбуръяськоно ӧвӧл. Куриськемъёсты кабыл мед луоз шуыса вазизьконо.
Салим ШАКИРОВ,
вӧсяськись.
Татышлы ёросысь Выль Татышлы гурт. «Язычество» кыл - кытись со кылдиз? Али дырын -Язычество/Языческий кылэз тыршо воштыны мукет кылын - Вашкала оскон, Калык оскон, Традиционной оскон но мукет , кудиз ке возьматэ азьло, вашкала калыклэсь дунневаланзэ. Кыллэсь пуштроссэ, кылдэмзэ серттон-пертчон понна оло коня дауръёслы сьорлань кошконо луоз. Вашкала калыкъёс(озьы ик асьмен чыжы-выжыосмы но) бадзым уж борды, пойшураны потыкузы, чорыг кутыны мыныкузы, через-чурез уллякузы, оже мынукызу котьку но божествоослэсь юрттэтсэс, кужымзэс куриллям. Курбон сётиллям. Каждой куриськон ужлэн аслаз динэз луэм, тирлыкъёсыз, кылъёсыз но асьсэлэн куриськон-восяськон интыоссы. Данакез али дырын вунэмын но вуныса- ышыса мынэ. Христианство дуннее волмемен та вашкала осконъёсыз христианъёс– языческой шуизы, нош та динэз кутисьёсыз- «язычник», «язычники» шуизы. Европаысь христианъёс нималлям- paganism шуыса. Латынь кыллэсь берыктим ке paganus-сельский, латынь кылысь кудиз ке pagus-село, округ,деревня. Озьыен язычествоез валаны луэ- гурт калык оскон шуыса. Старославянской кылын язычество, язык- узыцы- «народ», «род», «народы» шуыса нимаське.Озьыен асьмеос валаськом- язычество «вань вашкала осконъёслэн нимтулзы, кудиз ке возьматэ данак божествоослы йбыртъямзы». Кыллэсь кылдэмзэ серттыса-пертчыса валаськом: христинство вань вашкала осконъёсыз, кудиз христианствое уг пыры(озьы ик удмуртъёслэсь но осконзэс)- язычество кылын тулъязы. Галиханов А.Ш. куриськись 
Быдзым нунал Быдзыннал. Быдзымнал, Пасха, Пейсах, Астар но мукет. Портэм ним сётылизы дунне вылын улись калыкъёс та тулыс праздниклы. Котькуд калыклэн аслаз нимыз ке но, праздниклэн пуштросэз одиг. Нош пуштросэз солэн шумпотон: шундылэн шуныт тылсиосызлы, инкуазьлэн сайкамезлы, улземезлы но пушъемезлы. Паймонэз ик овол, тулыс ваньмыз лулъяське , улзе, выльдиське. Толбыт лымы улын жокаса кыллем возь- бусыос, куартэк тол потэм писпуос, ваньзы вальысен вожекто, выльысен сяськаясько но чебермо. Шуныт палась лыктэм тылобурдоос музъемез шулдыр кырзанэнызы тырмыто. Данак интыосын та нуналэз «Тюрагай нунал» шуыса нимало. Праздниксылэсь но символзэс тюрагай каризы. Тюрагай тулысэз вае, со лыктэм бере нунал но вырзе, кузяны кутске шуизы.Соин та нуналэ пыжылизы тюрагайлы укшам сукыриос. Та выллем ик мусульман калыкъёслэн но Навруз шуон праздниксы вань. Ортчыто сое 21 мартын. Куд интыосын кун праздник карыса кутэмын, нош нуналэз шутэтскон нунал карыса пуктэмын. Навруз праздниказы турлы сиён-юонъёс поралляло , но жок вылын самой бадзым инты басьтэ «сумаляк» шуон порет, кудзэ ке удатэм чабейлэсь дасяло. Китайын тулыс праздникез котьку но выль арлэн кутсконэз шуыса тодизы(лунной календаръя). Нош 1911 арын официально воштэмын солнечной(европейской) календарен, выль арез пумитаны кутскизы 1 январысен. Китайын данакгес калык гуртъёсын улэмен, гурт хозяйство бордын ужаменызы крестьянъёс али но лунной календарен уло. Соин музъем бордын ужасьёс тулыс праздникез «выль ар пумитан» шуо. 17 мартысен Япониын кутске тулыс Хиган нуналъёс. Та нуналэ Япониын туж сюлмысь дасясько, тазаръясько, миськыло. Тужгес но яратыса утялто кулэм чыжы-выжыоссылэсь фотографиоссэс но алтарьзэс, шай вылазы ветло. Буддизмын та нунал валэктиське таче кылъёсын - «сопал дунне, кытчы кошкизы чыжы-выжыос но кытчы соослэн лулъёссы улыны интыяськизы». Тулыс нунал сылэм бере, куинь нунал ортчыса , Хиган дугдэ, кутске сакуралэн сяськаяськон вакытэз (сакура-чияпу), кудаз лыкто мукет кунъёсысь инкуазьлэсь синмаськымон чеберзэ учкыны. Европаын тулыс праздниклэн нимыз Остар нимаське. Остар – вашкала язычникъёслэн тулыс дунне вырземлы но тол быремлы сизем праздниксы. Англи кылын та праздниклэн нимыз – Easter. Eostre или Ostara - геpманской тулыс но шунды зардон богинялэн нимыз. Калык верамъя, богиня лымылэсь но йолэсь мозмытске пе, музъемлы лул пыртэ но вож буёлэн шобыртэ.Символэз-лудкеч я кролик. Та германской легендаысь лыктэмын . Богиня Остара лымы вылысь сосырмем тылобурдоез шедьтэм, сое медаз кулы шуыса, лудкечлы берыктэм. Но та портмаськон тунсыко луэм. Тылобурдо лудкечлы ке но пормем, пузаны быгатонлыкез ышымтэ. Татысен , та бордысен , Европаын кутскем ог-огедлы буям курегпуз кузьман йылол. Мукет интыосын но , озьы ик асьмелэн но , тулыс праздниклэн символэз луизы табань но турлы тусын буям курегпузъёс. Асьмеос «Быдзыннал» шуиськом, христианъёс- «Пасха» .Вашкала дырысен ик веразы ни , та нуналэ Шунды но мукет сямен шудыса, чебер луыса жужа. Чукна ик таба зын поттоно ,табань пыжыса Инмарлы, Шундымумылы вазиськыса , быдзым нуналэз пумитано. Табань- со шунды , со кадь ик питрес, со кадь ик чуж чебер тусо. Пось табанез куриськем беразы, вань семъяен чошен, жок котыре пуксьыса сиизы. Собере пичиос куаысь куае курегпуз бичаллязы. Быдзынналэз котькуд семъяын ужзэс быдтыса пумитаны сюлмаськизы, коркаоссэс но гидкуаоссэс утялтылизы. Праздник нуналэ ужаны оз ни лэзе- уг яра шуизы. Пасхалэн историез туж муре кошкемын, вашкала языческой осконэ ик. Али дырын христианъёс та праздниклы туж бадзым инты висъяло. «Пасха» кыл потэмын вашкала иудей кылысь. 3500 ар талэсь азьло, иудейёс тулыс праздникез Пейсах шуыса нималлям. Тулыслы быдэ, пудо вордись еврейёс сютэм ветлись, тулыс сайкам ангел-мстительлы аресъем ыжпиез курбон сётиллям, али вордиськем, кужмоямтэ ыжпиоссэс но юнмамтэ вордись ыжъёссэс медаз йоты шуыса. Пейсах иудей кылысь- палэнтиськон. Озьыен ангел-мститель палэнти ортчиз соосыз, кудъёссылэн ос янаксы буямын вал восям ыжпилэн виреныз. Та праздниксэс еврейёс сизё Египетысь рабствоысь мозмем нуналзылы. Та нуналъёсы сиизы юмал куарнянь. Нуналзэ опресненка шуылизы. Христианство дуннее волмемен , пасхаез асьсэлэн осконазы пычатизы , Иисус Христосэн герзазы. Россие , куличен но курегпузэн тулыс праздникез пумитан , Тэнгыри-хан степной калык осконэн лыктэмын. Тэнгриянъёслэн бадзым праздниксы вал тулыс, кудиз выжыеныз кошке Индие. Ортчытизы праздниксэс 25 мартын. Пыжизы та нуналэ кулич, кудизлы сётизы тупась форма, возаз кык курегпуз понизы. Та символ возьматиз пиосмурт кужымез но соин валче музъем ужен герзаськемзэ. Озьыен асьмеос валаськом-Быдзым нунал, Пасха язычествоысь вуэм праздник. Галиханов Анатолий Шарифьянович Гафутдинова Марина Геннадьевна Алтау гурт Бурай ёрос
Быдзым нунал
Инмармы уйёссэ изьытэк,
Чеберъялоз, буялоз курегпузъёс.
Зарниен пужъятэм додьыяз,
Кыткоз шаплы ужвалъёс.
Валъёсыз Инмарлэн туж чы… Продолжение »
|
|
