ИНМАРЛЭСЬ КУРИСЬКОН
Осто, Козма! Мусо Инмаре-Кылчинэ!
Тон азяд сылйсько, лулпушме вблдыса,
Аслэсьтым малпанме, куронме усьтыса.
Кылзы нош Тон монэ, вакыттэ висъяса,
Куремме мынэсьтым туж умой кылзыса.
Сёт мыным кужымдэ, сизьым пол ватсаса,
Йырвизьмам — визь-ноддэ, лулпушкам — чылкыттэ.
Шундылэсь но тылзэ пазьгы Тон сюлэмам,
Мед шунтоз со монэ, югдытоз син азьме,
Мед юрттоз быдтыны зеч малпам ужъёсме.
Капчизэ но тбллэсь поны Тон мугорам,
Орзиен лобаса мед ветлом мон выллань.
Музъемлэсь но ватса улонам байлыксэ —
Жбк тырос сиёнэн, зудытэк улонзэ,
Корка тыр туганэн, зеч, сюлмо калыкен.
Гондырлэсь кужымзэ, кионлэсь нодлыксэ,
Лудкечлэсь сак пельзэ, жог бызись кукъёссэ
Сётыны эн вунэт, мусо Инмаре-Кылчинэ!
Кыльлэсь но дэйлэсь, жоблэсь но черлэсь,
Алама муртъёслэсь, сбрыны турттйсьлэсь,
Йыркуро малпасьлэсь но урод сюреслэсь
Утьы монэ, югыт Инмаре-Кылчинэ!
Та верам кылъёсме мон изэ гожтйсько,
Гурезьлэн вылйяз нуыса пуктйсько,
Азвесь макеен но зарни жильыен
Чук пала карыса думыса кельтйсько.
Гожтылэм кылъёсы кыллёзы пиштыса,
Мон дорысь, котырысь дышмонэз улляса. 
Мынам куреме интыяз мед вуоз,
Азьпалан улонам ваньмыз мед быдэсмоз,
Югыт но мусо быдзым Инмаре-Кылчинэ!
Омин! Омин! Омин!

                         Инмарлы вазиськон

Осто Козма Инмаре Кылчинэ вылысь мусо  но югыт Инмаре Кылчинэ, Тонэ тодэ-буре вайыса куриськиськом югыт Инмаре Кылчинэ тани.

Тулыс тулкымъяськись тутзем ву кадь,   шуддэ-бурдэ но из кадь чурыт тазалыктэ,  зечлыктэ, инбамын кадь паськыт но сайкыт улондэ, берекеттэ-дэлеттэ сёты Инмаре Кылчинэ.  Пал кимы муын пал кимы  войын мед кыллёз Инмаре Кылчинэ тани.  Сюресын но  ужын  капчилыктэ,  азинлыктэ сёт Инмаре Кылчинэ . Вордем нылпиослы эркын лобась тылобурдоос кадь, возь вылъёсын будись сяськаос кадь шуддэ-бурдэ , азинлыктэ, зечлыктэ сёты. Урод сюреслэсь, урод сямлэсь, урод ужъёлэсь, амала муртъёслэсь  утьы ворды  соосыз Инмаре Кылчинэ тани. Зеч калыкен вераськыны, валче улуны визьнодде, быгатонлыктэ пычатыса улысалыд ке Инмаре Кылчинэ тани. Омин!

Ву зибемлэсь, сильтоллэсь, тылпулэсь, дышмонлэсь утьы ворды милемыз Инмаре Кылчинэ. Черлэсь-чурлэсь, кыль-дэйлэсь, урод муртлэсь, сорыны турттисьлэсь, каскырымъёлэсь азвесь кенерен котырты милемыз Инмаре Кылчинэ тани. Омин!

Ноку но медаз лу ми палан ож-тирлыкен жугиськонъёс , музъемлы талашонъёс.Волмыты дунне вылэ ог -огедэ гажан, огедлы огед  юрттон амал гинэ. Адямиос куспазы ог анайлэн, ог атайлэн кадь мед улозы Инмаре Кылчинэ. Льёгоно пыдулмес чошкыт кары, чендэмлэсь пограмлэсь утьы ворты Инмаре Кылчинэ тани. Ваньмыз Тынад ки ула, ваньзэ Тон бергатиськод Инмаре Кылчинэ, мынесьтым куремме кабыл басьты, курытэк вератэк кылемзэ ачид тодыса  радъяса кылльысалыд ке Инмаре Кылчинэ Тани. Омин! Омин! Омин!